Huisgeloofvrae

18 Oktober 2020

Liewe ouers,

  • Gesels as gesin oor:
    “Die vroeë kerk het elke Sondag nagmaal gebruik. Hierdie Sondag is maar ons 2de nagmaal vir die jaar. Wat beteken die nagmaal vir julle as gesin – ook in die Covid tyd?”

 

11 Oktober 2020

Liewe ouers,

  • Gesels as gesin oor:

            “As vere dan nie die voël maak nie wat maak dan wel die voël?”

            In die Josef-verhaal leer ons hoe die Here se naby-wees Josef daar deur alle omstandighede.

            Praat bietjie met mekaar oor verskillende omstandighede waarin julle beleef het dat die Here julle naby aan julle is.

 

4 Oktober 2020

Liewe ouers,

  • Gesels as gesinne oor:
    “Om saam kerk toe te gaan, is soos om saam gholf te speel. Wat is die ooreenkoms tussen gholf speel en kerk toe gaan?”

 

20 September 2020

Liewe ouers,

  • Gesels as gesinne oor:
    Hoe ervaar julle God?
    Wat in die natuur herinner jou daaraan dat God die Skepper en die Almagtige is? Miskien moet julle as gesin sommer bietjie buite in die tuin sit as julle hieroor gesels.

 

13 September 2020

Liewe ouers,

  • Gesels as gesinne oor:
    Jakob is opvlug en hy het die spanning van vrou te soek. Op hierdie moeilike reis onytmoet die Here hom. Wat is ‘n moeilike tyd wat julle as gesin beleef het en hoe het die Here julle deur hierdie moeilike tyd gehelp?

 

6 September 2020

Liewe ouers,

  • Gesels as gesinne oor:
    • Wat in die omgewing is vir jou die mooiste geskenk van God (enige dier, plant, insek, reptiel, vis, sterre ens)? Wat van hierdie geskenk laat jou aan God dink en wat gaan jy doen om hierdie geskenk op te pas?

 

30 Augustus 2020

Liewe ouers,

  • Gesels as gesin oor:
    • In die verhaal van Jakob en Esau veroorsaak voortrekkery dat 2 boeties met mekaar baklei. Hoe beleef julle voortrekkery in julle gesin? Om te baklei, is maar deel van die gesinslewe. Hoe kan ons as gesin mekaar help dat om te baklei nie iets leliks word nie?

 

23 Augustus 2020

Liewe ouers,

  • Gesels as gesin oor:
    • Abraham se slaaf bid dat die Here hom help om vir Isak die regte vrou te kies? Watter rol speel gebed in die maak van keuses?  Het jy al verkeerde keuses gemaak?

 

16 Augustus 2020

Liewe ouers,

  • Gesels as gesin oor:
    • Abraham beleef dat die Here ‘n ram voorsien in die plek van Isak. Waarin het julle as gesin al beleef dat die Here voorsien?  Gebruik sommer die geleentheid om vir die Here dankie te sê.

 

26 JULIE 2020

Liewe ouers,

  • Gesels as gesin oor:
    • “As julle as gesin skielik uit die huis moet vlug, wat is die noodsaaklikste goed wat jy sal saamvat?

 

19 JULIE 2020

Liewe ouers,

  • Gesels as gesin oor:
    • “Watter verkeerde keuse het jy al gemaak en wat was die gevolge?”
    • “Hoe kan ons mekaar help om goeie keuses te maak?”

 

12 JULIE 2020

Liewe ouers,

  • Gesels as gesin oor:
    • “Abram het ‘n mooi verhaal van hoe God hom gebruik het. Vertel vir mekaar hoe jy God se hand in jou lewe beleef”.

 

5 JULIE 2020

Liewe ouers,

  • Gesels as gesin oor:
    • “Die Here gebruik gewone mense om Sy hande en voete te wees. Wie is vir jou ‘n voorbeeld van iemand wat deur die Here gebruik word?”
    • Gee vir elkeen in die huis kans om hieroor te gesels.
    • Hoe kan ons die Here se hande en voete wees?

 

28 JUNIE 2020

Liewe ouers,

Die huisgeloofgesprek wat saam met die kleuterkerk se tema gaan en waaroor gesinne saam kan praat is: “Ons het mekaar nodig om moeilike besluite te neem”

  • Watter moeilike besluite moes julle as gesin al neem?
  • Hoe het julle mekaar hierin gehelp?

 

21 JUNIE 2020

Liewe ouers,

  • Gesels as gesin oor:
    • “Orals hoor ons van rassisme. Hoe kan om verkeerd na mense te kyk, lei tot rassisme?”

 

14 JUNIE 2020

Liewe ouers,

  • Gesels as gesin oor:
    • “Almal van ons het ongelukkig al gejok. Wat is die nagevolge van jok?”
    • “Hoe kan ons mekaar help om nie te jok nie?”

 

7 JUNIE 2020

Liewe ouers,

  • Gesels as gesin oor:
    • “Waarin beleef jy die Here se onsigbare Hand in ons lewe?”
    • “Waarin beleef jy die onsigbare band waarmee ons as gelowiges aan mekaar verbind word?”

 

31 MEI 2020

Liewe ouers,

  • Gesels as gesin oor:
    • “Die Here woon in my” – hoe raak dit my binnekant en my buitekant?”

 

24 MEI 2020

Liewe ouers,

  • Gesels as gesin oor:
    • “Selfs tydens sy inperking, het Daniël by ? sekere roetine gehou. Watter roetine sal julle as huisgesin wil voortsit selfs as die inperking opgelig word?”

 

17 MEI 2020

Liewe ouers,

    • Gesels as gesin oor:
      • “Sekerlik was ons almal al een of ander tyd op/in “hot spot” – die keer waar jy ‘n keuse moes maak of jy vir die Here gaan opstaan of nie.  Deel julle verhale met mekaar”.

 

10 MEI 2020

Liewe ouers,

    • Kry vir elkeen ‘n papier en pen/inkleurpotlode.
      • Wat maak jou bang as jy oor die toekoms dink?
      • Dink vir ‘n oomblik krities aan die wêreld waarin ons nou leef. Watter goed in die wêreld is nie reg nie. Teken een van hulle op jou papier. Vertel vir mekaar wat jy geteken het en waarom.
      • Kinders van die Here is deel van die profetiese tradisie, waaroor ons vandag in die oordenking gepraat het, en daarom moet ons soos die profete verbeeldingryk na ons wêreld kyk. Ons moet soos die profete droomdraers wees. Kyk nou na die prentjie wat jy geteken het en vra die vraag ‘Wat as?’ Hoe kan hierdie prentjie anders lyk? Hoe kan hierdie prentjie meer in lyn wees met God se droom vir die wêreld? Wat moet verander? Teken nou ‘n nuwe prentjie. Deel dit met mekaar.
      • Gesels oor hoe julle as huishouding die nuwe prentjies kan waar maak.

 

3 MEI 2020

Liewe ouers,

  • Gesels as gesin met mekaar oor die uitdrukking “Julle skep die muggie uit julle beker maar julle sluk die kameel in”. Wat sou hierdie uitdrukking in vandag se tyd beteken?
Scroll to top