post

Stellastraat Blitsnuus 11 September 2019

Anton Pienaar
2019-09-16 08:06:00


Goeiedag,

Weesgerus en die “moderate wind”
Verlede jaar tydens die Wegbreeknaweek is Stellastraat se potjieskosaand ‘n bietjie geteister deur ‘n wind. Vanjaar het ons egter mooi weer, soos elders, bestel. Wat beteken ‘n moderate wind van 6m/s nou eintlik! Hoe dit ook al sy, dit is waar omtrent 150 siele van Stellastraat gaan wees eerskomende Saterdag, te Weesgerus!


* Kliek op die teks om die volle artikel te lees.


Sondag 15 September se eredienste

Sondag se 09:00 erediens in die kerk word deur James gelei. Hy gaan nadink oor die geweld in die land en wonder watter rol speel die verhaal van Kain en Abel in die mens se keuse tot geweld.

Anton lei die diens op Weesgerus.

Dan het ons weer ons jaarlikse spesiale Lente-erediens Sondagaand 18:00 in die Lushof. Tienie gaan die diens lei met die tema "Liefde is ...". Jy gaan jou eie slagspreuk oor liefde uitdink. Tienie preek aan die hand van die bundel liefdesliedere in die Bybel nl Hooglied - veral hoofstuk 8:6-7. Ons gaan dit weer in die buitelug hou - in die Lushof. So bring asseblief iets warm en iets om op te sit (kussing of kombers) saam. Jy gaan weer die kans kry om 'n blom vir iemand spesiaal te gee. Moenie die blom vergeet nie.

Die Adoramusdiens skuif dan Sondagaand van die kapel na die kerk. Willem lei die diens om 17:50 vir 18:00, uit Eksodus 32:8-14. Die tema is: Verander gebed die toekoms?

Soeklig - Ons het 'n sterk lig nodig vir die bo-punt van die toring

Die soekligreeks staan nou einde se kant toe. Sondagaand 15 September 19:00 skyn die lig op die toring van Babel (Genesis 11:1-8). Hiermee saam gee ons ook aandag aan die betekenis van die geslagsregisters in Genesis 1-11 en gedeeltes soos Genesis 6:1-4 wat tot dusvêr nie aandag gekry het nie. Dit is ons laaste byeenkoms, want teen volgende Vrydag 20 September lui die skoolvakansieklok ook vir die Soekligreeks.

Bybellees - Die profeet sê ons moenie ophou hoop nie!

Die jong priester Esegiël praat van beendere wat weer gaan begin lewe. Is dit 'n spookstorie of is daar meer daarin? Woensdag 18 September 09:00 sluit ons af met ons Bybellees-reeks oor tekste wat in die Ballingskapperiode van oud-Israel ontstaan het.

Kom praat gerus saam oor Peterson se 12 reëls - Woensdag 18 September

In sy boek 12 Rules For Life, An Antidote To Chaos, skryf Jordan B Peterson: "We require rules, standards, values - alone and together. We're pack animals, beasts of burden. We must bear a load, to justify our miserable existence. We require routine and tradition."

Woensdag 18 September 19:00 gaan ons Peterson se boek bespreek tydens die laaste bottel- en bordaand van die kwartaal. En Jamie Wannenburg van die jong generasie, gaan saam met James die gesprek lei. Jy kan net jou lewe verryk deur die boek te lees en te kom saampraat! As jy solank meer wil weet, gaan gerus na die volgende skakel: https://youtu.be/PFo9-7VX2K8

Kerkraad vir 2019/20 is verkies

Op Dinsdag 3 September 2019 is die volgende lidmate verkies om as kerkraad van Stellastraat te dien:

Ouderlinge: Jan Groenewald, Hanke Fourie, Bertus Myburg, Johan Wannenburg, Dewald Muller, Greta van Wyk, Anette Hamann, Laetitia van der Linde, Bernard Esterhuyse, Mia Lambrechts, Malan Nel, Amanda Booysen.

Diakens: Christo du Preez, At Dreyer, Louise Jackson, Brenda Lesser-Dorfling, Cathy Pretorius, Hein Hamann, Johan Minnaar, Petrus Hoffman, Willem Wannenburg, Anje Kellerman, Tersia Kruger.

Leraars: James Kirkpatrick, Tienie Bosman, Anton Pienaar, Fay van Eeden.

Daguitstappie vir jonges - 28 September

'n Klompie jongmens gaan Saterdag 28 September vir die dag stap en swem in die Magaliesberge. Daar is nog plek vir 'n paar om saam te gaan. Laat weet asb vir Willem op 0848458936 as jy wil saamgaan.

Meegevoel

Deon Bester van Queens Crescent wat oorlede is. Ons meegevoel aan Suzette en die kinders.

Die gedenkdiens vind plaas op Maandag 16 September 2019 om 15:00 by Stellastraat.

Nuwe lidmate

Baie Welkom aan die volgende nuwe lidmate - Jackie, Salome, Nadia en Anja Botha van Ariesstraat 410, Waterkloof Rif.

Stellastraatgroete


Scroll to top