post

Stellastraat Blitsnuus 12 Julie 2019

Anton Pienaar
2019-07-15 10:48:00


Goeiedag,

Aan al die hiberneerders en vakansiegangers, welkom terug! Die derde kwartaal van 2019 het aangebreek en Stellastraat is steeds vasberade om in die wêreld waarin ons gegun word om te leef, ons deel van liefde en goedhartigheid by te dra. Mag Stellastraat tot seën van Pretoria bestaan!

* Kliek op die teks om die volle artikel te lees.


Sondag se eredienste

Die 08:30 erediens word deur Anton gelei met die tema si tu prends ma place prends aussi mon handicap. Die teks is Galasiërs 6:2. In die 10:00 erediens raak James ernstig oor die sonde, en hy gaan lees uit Genesis 2 en 3. In die 18:00 erediens is die tema o die liggaam is 'n wonderlike ding, en Tienie gaan dan voor. Die skriflesing is 1 Kor 12:12-27.

Anton lei ook Sondag 18:00 die Adoramusdiens in die kapel uit Lukas 10:25-39. Die tema is medelye en mense. Hy gaan ook 'n bietjie vertel van sy onlangse besoek aan Taizé, die geloofgemeenskap in Frankryk wat eintlik die ouboet van ons Adoramusdiens is.

Ons murmureer steeds saam met Job - Woensdag 09:00

Eerskomende Woensdag, 17 Julie, sit ons die leesreeks oor die boek Job voort. Ons gaan Job 22-27 lees wat die derde reeks gesprekke van Job met sy vriende is - uitgesluit Sofar die keer. Was God regtig billik teenoor Job? Het God nie in dié verhaal die knie gebuig voor die Satan nie? Lees gerus die gedeelte en kom dink Woensdag 09:00 saam met ons oor die moeilike vrae.

My kind: 'n dromer of doener? 17 Julie 19:00-20:30

Anna-Barbara du Plessis, deeltydse dosent in die Departement Sielkunde aan die Universiteit van Pretoria se Opvoedkunde Fakulteit, kom gesels met ons oor ATHV (ADHD). Die geleentheid is nie net vir ouers met kinders van ATHV nie, maar enige een wat met jongmense werk of meer van die onderwerp wil leer. Daar gaan ook 'n geleentheid wees om vrae te vra en ons verhale met mekaar te deel. Vir meer inligting kontak gerus die kerkkantoor, Elsabe Olivier (082 325 0283) of Fay van Eeden (083 478 0854).

Sop, sjerrie & kaalwoorde - 18 Julie 18:30

Enige-iemand (en as jy nog soos 'n student of jongvolwassene voel) - kom geniet goeie musiek, digkuns deur kaalwoorde, heerlike sop en proe van die beste dessertwyne uit die mooie Kaap. Dit gebeur alles op die 18de Julie by Stellastraat en gaan jou 'n ongelooflike R100 en 'n kombers/kledingstuk kos. Daar is beperkte plek - bespreek jou plek by Stellastraat se kerkkantoor (012 460 8570) voor of op 15 Julie. Bring gerus jou eie drinkgoed en glase. Vir meer inligting kontak gerus vir Fay (083 478 0854).

Wildtuintoer is op hande! 25-30 Augustus

Stellastraat toer 25-30 Augustus(weer) in die wildtuin! En soos elke jaar beloof dit om een van die wonderlike weke van die jaar te wees. Daar is net 30 plekke beskikbaar en ons sal moet ons finansies en toerreëllings in Juliemaand afhandel. Ons basis vanjaar is die Satara-kamp. As jy wil saamgaan, kontak so gou as wat jy kan vir Sandra (012 460 8570) by die Kerkkantoor! Die koste van die toer is R6700 per persoon. Jy hoef dan net jou klere, swiets en spesiale drinkgoed saam te vat, die res wag alles vir jou!

Gemeentekamp sommer heelwat goedkoper

Die koste van Stellastraat se Wegbreeknaweek van 13-15 September op Weesgerus, is sommer heelwat goedkoper as in die verlede! Weesgerus het hulle tariewe vir die chalets heelwat verlaag. As jy wil saamgaan, kan jy gerus jou naam op die lys in die Kerkkantoor neerskryf. Daar is vierbed- en sesbed-chalets beskikbaar. En natuurlik 'n hele sirkel net vir Stellastraat se kampeerders! As jy meer wil weet oor die pryse, kontak gerus vir Susan by die Kerkkantoor (012 460 8570).

Nuwe lidmate

Baie welkom aan die volgende nuwe lidmate by Stellastraat - Deon Botha van Nicolson straat 430, Nicolson Place 3, Brooklyn. Wiaan en Marli Lewis van Queens Crescent 420, Lynnwood. Jaco en Elna Nel van Wolfstraat 342, Waterkloofrif x2.

Ons dink aan

Udo Böhmer van Maraisstraat 388, Brooklyn met die afsterwe van sy pa.
Zak Lombaard van 6de straat wes 8, Menlopark wie se ma ernstig siek is.
Johanna Louw van Lawleystraat 344, Waterkloof wat ernstig siek is in Pretoria-Oos hospitaal.
Wim Slabbert van 10de straat 20, Menlopark wat by die huis aansterk na 'n ernstige infeksie.

Stellastraatgroete


Scroll to top