post

Stellastraat Blitsnuus 6 Desember 2019

Anton Pienaar
2019-12-09 09:00:00


Goeie dag,

As daar een tyd is waarna die meeste van ons uitsien, is dit die somervakansie in Desember. En hier is hy nou! Dalk gaan ons na ’n lekker vakansiebestemming, of gaan die familie bymekaar kom en die niggies en nefies hulle bande versterk? Die wat reis moet veiligheid eerste stel en waar jy is, veroorsaak welwillendheid en liefde – dit is die regte dinge om te doen!

* Kliek op die teks om die volle artikel te lees.


Tweede Adventsondag, 8 Desember.

Sondag se 09:00 erediens word deur James gelei. Die tema is: Wat verwag jy van die toekoms? Die teksgedeelte wat ons lees is Jesaja 51. Die tweede adventskers word ook Sondag aangesteek. Die tema van die kers is: vrede.

Die Adoramusdiens word Sondagaand 18:00 in die kapel deur Willem gelei uit Romeine 15: 4,12,13. Hy skryf so daaroor: Daar is eeue op die koms van die Verlosser gehoop, en deur sy koms maak God ons vol hoop.

Eredienstye in die vakansie

Ons staan verleë omdat daar dikwels mense nog op die verkeerde tye vir die eredienste opdaag - daarom herhaal ons maar weer. Gedurende die vakansie is daar elke Sondag 09:00 'n erediens in die kerkgebou en elke Sondagaand 18:00 in die kapel. En Sondagmiddae 15:00 'n erediens in Sotho in die kapel.

Geloftediens, 16 Desember

Ons (Stellastraat) is saam met die Hervormde en Gereformeerde Kerke in ons omgewing in 'n ooreenkoms om elke jaar 'n gesamentlike erediens te hou om die gebeure by Bloedrivier van 1838 te gedenk. Ons ooreenkoms is ook dat daar geen politieke ondertone by so 'n erediens sal wees nie. Vanjaar is die diens weer by die Hervormde Gemeente te Delystraat 100, op Maandag 16 Desember 08:45. Dr Nico Ligthelm van die Gereformeerde Kerk sal die erediens lei.

Ongesteld

Leon Herbst van Mainstraat 237, Waterkloof is in Little Company of Mary om krag (bloed) te kry.

John Stanbury van Om De Berg 399D, Lynnwood word in Wilgers hospitaal verpleeg.

Fiona Steyn van 21ste straat 43, Menlopark is baie ernstig siek.

Natalie Lubbe van Maystraat 480, Brooklyn is ook ongesteld.

Stellastraatgroete


Scroll to top