Die Soeklig word vanaand aangeskakel

 

 

Na die 18:00 erediens vanaand, is dit die eerste van ons Soekligaande vir 2019. Dié gaan 19:00 begin in die bo-saal van die kerksentrum.

In Februariemaand gaan ons probeer om die geheime van die Levitikusboek te ontrafel. James gaan vanaand voor en die res van die kursus gaan deur Prof Sias Meyer van Tukkies gelei word.

  • Facebook
  • Twitter
  • email
  • Google Bookmarks
  • Print
  • PDF
Posted in Algemeen | Comments Off on Die Soeklig word vanaand aangeskakel

Stellastraat sê dankie vir Marina

Vandag groet Stellastraat vir Marina. Marina het ‘n pos aanvaar by ons buurgemeente in Lynnwood. In Stellastraat kon ons nooit ophou praat oor Marina se pragtige stem nie. Sy het vele eredienste verryk met haar musikale gawe. Saam met haar musiektalente, was sy vir vyf jaar lank dominee op ‘n kontrakbasis in Stellastraat. Daarna was sy die musiekleier van die 10:00 en die 18:00 eredienste.

Stellastraat gaan haar gawes beslis mis! En natuurlik is haar en Fouché se twee liefdevolle kindertjies gebore in die tyd wat hulle aan Stellastraat verbonde was. Dit is reeds bekend dat Fouché intussen voltyds betrokke geraak het by die #Imagine-beweging. Die groet en dankwoord aan Marina sal tydens die 18:00 erediens plaasvind.

  • Facebook
  • Twitter
  • email
  • Google Bookmarks
  • Print
  • PDF
Posted in Algemeen | Comments Off on Stellastraat sê dankie vir Marina

Ds Fay van Eeden word aanstaande Sondag bevestig

Aanstaande Sondag, 3 Februarie tydens die 09:00 erediens, word ds Fay van Eeden as vierde voltydse predikant van Stellastraat bevestig.

Ds Van Eeden sal haar intreepreek na die bevestiging lewer. Na die diens is daar ‘n verwelkomingsgeselligheid in die binnehof waartydens die gemeente haar en haar eggenoot Peet persoonlik kan ontmoet.

Daar sal geen Jeuggroepe volgende week na die oggenddiens wees nie. Onthou daar is net een oggenddiens aanstaande Sondag en die begin 09:00! Daar gaan wel Jeuggroepe na die 18:00 erediens wees.

  • Facebook
  • Twitter
  • email
  • Google Bookmarks
  • Print
  • PDF
Posted in Algemeen | Comments Off on Ds Fay van Eeden word aanstaande Sondag bevestig

Nagmaal en gemeente-ete

Vandag vier Stellastraat nagmaal tydens al die eredienste wat in die kerkgebou gehou word. Elkeen wat saam aan die genadige goedheid van God vashou, is welkom om met vrymoedigheid deel te neem aan die “ete van die Here”. En 12:00 is daar ‘n gemeente-ete in die lushof. Die gebruik is dat die vure gemaak is, die pap en sous voorsien word, en dat elkeen sy mandjie met eetgerei en slaai saambring. Ons pak die slaai en brood uit en deel weer so aan mekaar se gawes!

  • Facebook
  • Twitter
  • email
  • Google Bookmarks
  • Print
  • PDF
Posted in Algemeen | Comments Off on Nagmaal en gemeente-ete

Kom delf saam in die Johannes-evangelie

Die Bybel in ons lewe-reeks vir die eerste kwartaal, in die vorm van ‘n Bybelstudie, skop Woensdag-oggend 09:00 in die konsistorie af. Dié kwartaal gaan ons die evangelie van Johannes lees, en spesifiek na die sogenaamde Ek is-uitsprake van Jesus kyk. Waarom die Ek is-uitsprake, en wat beteken die uitsprake vandag? Tienie is die kwartaal se aanbieder.

  • Facebook
  • Twitter
  • email
  • Google Bookmarks
  • Print
  • PDF
Posted in Algemeen | Comments Off on Kom delf saam in die Johannes-evangelie

Soekligaande in Stellastraat

‘n Nuutjie op vanjaar se gemeenteprogram is die Soekligaande. Die middelste maand van elke kwartaal (Februarie, Mei, Augustus en November) is daarvoor opsy gesit. Op Sondae aande gaan ons in uur byeenkomste (19:00-20:00) telkens ‘n teoloog kry om in diepte met ons oor ‘n Bybelboek te kom gesels. Ons is in die gelukkige posisie om vele kenners baie naby aan ons te hê en in 2019 gaan ons hulle inspan. Prof Sias Meyer skop die jaar af met die boek Levitikus.

Die tema van sy reeks is Onreinheid, versoening en heiligheid: Perspektiewe uit Levitikus oor die verhouding tussen God, mense en die lewe. Die eerste byeenkoms is op Sondag, 10 Februarie om 19:00 in die konferensielokaal (boonste lokaal van die Admingebou.)
Stuur asseblief ‘n SMS met jou naam daarin na 0828527947 as jy van voorneme is om die reeks by te woon. Ons het dit nodig om die lokaal en uitdeelstukke gereed te maak vir die geleentheid. Doen dit sommer nou!

  • Facebook
  • Twitter
  • email
  • Google Bookmarks
  • Print
  • PDF
Posted in Algemeen | Comments Off on Soekligaande in Stellastraat