Category: Tuisblad
Verhuring van die Olivierstraat pastorie
Die pastorie in Olivierstraat is baie mooi opgeknap, en te huur vir R19 500.00 per maand. Belangstellendes kan kontak maak met Eunice van Rooyen by Uysie de Klerk Eiendomme. Selfoon: 076 111 2238 of e-pos: eunice@uysiedeklerk.co.za.
Poppie maak wonde oop – Fliekbespreking 19 Februarie
Moenie ons fliekbespreking van Poppie Nongena vergeet nie. Heelwat mense het al die film gaan kyk en te oordeel aan opmerkings, is daar baie te sê oor die fliek. Woensdag 19:00 gaan ons oor die film praat in die binnehof. Soos gewoonlik is dit ‘n bottel- en bordaand. Bring dus jou eie spyse en drinke.
Soeklig Sondagaand 19:00 – Anton vertel sy storie
Die soekligaande van die eerste kwartaal fokus op die Bybel en elkeen van die leraars kry ‘n kans om te vertel hoe hy die Bybel lees en verstaan. Sondagaand is dit Anton se beurt en aanstaande Sondag is dit James wat ‘n geleentheid kry.
Bybellees Woensdag 09:00 handel oor skinder
Hierdie kwartaal lees ons die brief van Jakobus en eerskomende Woensdag, 19 Februarie 09:00, gaan dit oor iets waaraan elkeen van ons aan skuldig is, maar tog verklaar elkeen homself onskuldig: die beheersing van die tong. Ons gaan Jakobus 3:1-12 lees en daaroor praat.