Donderdag 25 Oktober 2018 om 11:00 – Spitbraai met ‘n Franse geur!

Die lekkerste kuier van die hele jaar! So reken baie van ons oor die jaarlikse spitbraai vir senior lidmate. En ons gaan ons beste doen om te sorg dat dit vanjaar weer so sal wees!

En vanjaar kry die kuier ‘n Franse geur en kleur! Maricus en Natasha C gaan ons harte sag maak met Franse musiek uit die hart (Musique du Coeur!). ‘n Week hart het nie baie weerstand nie. Die finale oorrompeling gaan kom deur sagte skaapvleis en die doodskoot deur middel van pampoenkoekies en romerige roomys. Vir die wat die ondraagliklikheid nie meer kan hanteer nie, sal daar koue witwyn wees. Jy sê jy wil nie daar wees nie? Jy maak seker ‘n grap.

Al ons senior lidmate en almal wat voel hulle is nou nagenoeg, is welkom om ons jaarlike spitbraaikuier te kom meemaak. Al wat jy moet doen is om jou teenwoordigheid by Hannalie by die kerkkantoor te bevestig en jou plek is bespreek! Donderdag 25 Oktober 11:00!

  • Facebook
  • Twitter
  • email
  • Google Bookmarks
  • Print
  • PDF
Posted in Algemeen | Comments Off on Donderdag 25 Oktober 2018 om 11:00 – Spitbraai met ‘n Franse geur!

Hervormingsondag 28 Oktober 2018 – Elke dankfeesbydrae help

Dit is nooit vir ons ‘n verleentheid om in Stellastraat oor geld te praat nie. Ons doen dit net een maal per jaar, en bloot net om ons almal daaraan te herinner.

Dankie vir almal wat uit hulle harte en hulle beursies dit moontlik maak dat Stellastraat as ‘n gemeente kan bestaan en ‘n rol speel in die samelewing. Dit is ‘n voorreg om deel van dié gemeente te kan wees.

Elkeen van ons gaan in die week ‘n Dankfeeskoevert kry. Dit is die gebruik om elke jaar tydens die Hervormingsfees ons Dankfeesbydraes na die kerk te bring. Op grond van die vorige jaar het die kerkraad begroot dat ons R780 000 gaan inkry met die dankfees. Ons het die bedrag nodig om ons jaarlikse begroting van inkomstes en uitgawes te laat klop.
Dankie dat jy gaan help daarmee. Elke klein bietjie help!

  • Facebook
  • Twitter
  • email
  • Google Bookmarks
  • Print
  • PDF
Posted in Algemeen | Comments Off on Hervormingsondag 28 Oktober 2018 – Elke dankfeesbydrae help

Beroepsvergadering 21 November 2018 – Proses vir die volgende leraar is aan die gang

Dit sal Stellastraat se 20e voltydse dominee wees. Stellastraat het as selfstandigde gemeente in 1947 tot stand gekom.  Die gemeente is genoem Suidoos-Pretoria omdat dit toentertyd die mees suidoostelike woongebied in Pretoria was.

Intussen het Pretoria na die ooste ontplof en gebruik ons nou die bekende straatnaam Stellastraat as identiteitsaanduider.

Die gemeente het die afgelope 71 jaar reeds 19 voltydse predikante in diens gehad. Daar was heelwat ander wat op ‘n deeltydse basis betrokke was of as lidmate in die gemeente gewoon het.

Aansoeke om die 20e voltydse dominee van Stellastraat te wees word ingewag. Besonderhede oor die vereistes en die gemeente se profiel kan by die kerkkantoor verkry word. Die aansoeke sluit 5 Oktober. Die kerkraad het ‘n pre-advieskommissie aangewys wat die aansoeke moet fynkam en ‘n kortlys van moontlike kandidate gereed hê op Maandag 15 Oktober. Tydens die vergadering gaan daar besluit word watter van die kandidate genooi sal word om hulleself beter bekend te stel.

Die pre-advieskommissie gaan die gesprekke met die kandidate voer en ook bykomende huiswerk doen. Die kommissie sal dan sy aanbeveling van drie voorkeurkandidate aan die kerkraadsvergadering op 21 November voorlê. As alles volgens plan verloop sal dié vergadering ‘n beroep op ‘n nuwe predikant vir Stellastraat uitbring.

 

  • Facebook
  • Twitter
  • email
  • Google Bookmarks
  • Print
  • PDF
Posted in Algemeen | Comments Off on Beroepsvergadering 21 November 2018 – Proses vir die volgende leraar is aan die gang

Dante se Il Paradiso in Afrikaans 19 September Die siel se reis na die hemele

In Dante Alighieri’s se epiese gedig “Divine Comedy” beland hy in die eerste deel in die hel, in die tweede deel in die vagevuur, en in die derde deel in die hemel. Die hemel word uitgebeeld as ‘n klomp sirkels rondom die aarde. In wese handel die derde deel oor die siel se reis na sy bestemming by God.

Prof Cas Vos, ‘n oud-leraar van Stellastraat, het groot gedeeltes van die derde deel van Dante se gedig uit Italiaans in Afrikaans vertaal. Die titel van die vertaling is: Dante se Il Paradiso – ’n wonderwerk.

Op Woensdag 19 September tydens ons boek-en fliek bespreking gaan Cas kom vertel van die vertaling.

Hennie Maas het ‘n video van die vertaling gemaak en die voorlesing word deur Dawid Minnaar gedoen. Iemand se reaksie op die video is: “Watter pragtige beelde, die Universum in al sy raaiselagtigheid én skoonheid, en dan die voordra van die gedigte.” Dawid Minnaar se voorlesing is ontroerend en briljant. Die visuele beelde is aangrypend.

Dante Alighieri het van 1265 tot 1321 geleef. Hy het die Il Paradiso (die paradys) in ballingskap geskryf. Sy tyd was ‘n tyd van korrupsie, afguns, magsbeheptheid en kwaad doen. Klink dit nie bekend nie?

Dit is die eerste keer dat die epiese gedig in digvorm in Afrikaans beskikbaar is. Die reis na die paradys open verrykende perspektiewe vir hierdie lewe en die na-lewe.

Kom beleef dit saam.

  • Facebook
  • Twitter
  • email
  • Google Bookmarks
  • Print
  • PDF
Posted in Algemeen | Comments Off on Dante se Il Paradiso in Afrikaans 19 September Die siel se reis na die hemele

Johan Heyns. Waar is die oupa?

Ek het ook ‘n Johan Heyns-stuiwer te gooi. Daar is baie stuiwers oor die enigmatiese mens wat in dié dae 90 jaar oud sou word indien hy nog gelewe het. Wanneer jy met oudstudente of kollegas praat, sal jy inte- ressante staaltjies van Johan Heyns hoor. Hy was ‘n ‘rare’ mens – waar hy was, was niks vervelig nie. ‘n Uitstekende orator. Belese. Ingelig. Unieke humorsin. Orals in aanvraag.

In ‘n era toe die wêreld Suid-Afrika begin prik het oor apartheid as politieke sisteem, het hy as gerespekteerde kerkleier begin sê: ons moet hier uitkom. As lojale Afrikaner het hy begrip getoon dat die wêreld wat Afrikaners besig was om te skep, nie volhoubaar was nie. Daar was baie hoop dat hy met sy charismatiese persoonlikheid, en verbondenheid aan die Afrikanergemeenskap, insig en verandering kon bewerkstellig.
Sy dood – ‘n koelbloedige moord – het sy moontlike rol getermineer. Vir baie was hy die nodige en noodsaaklike stem. Vir ander was hy ‘n verraaier, ‘n gevaarlike stem. Ons gesin het hom op ‘n ander manier leer ken. Kort voor die sluipmoord op hom, het hy een aand op Amersfoort by ons in die pastorie oorgeslaap. Hy was oppad om ‘n ontbytgeleentheid op Volksrust te gaan toespreek. Ek het my lippe afgelek vir die geleentheid om persoonlik met hom te praat. Oor alles wat in die brandpunt was. Maar watwou. Daar in die sitkamer moes ek sit en kyk hoe hy met my kinders speel en praat – hulle was nog klein. Ek was net ‘n toeskouer. Hy wou by hulle elkeen hoor wat hulle eendag gaan word, en hulle aangemoedig want die land het hulle nodig. Hy het elkeen in die oë gekyk en met sy speelsheid hulle volle aandag gehad.
Die volgende oggend is ek en hy vroeg weg na die onbyt. Toe vra Esmarie (nog voor skool) vir Hanna: “Waar is die oupa wat gister hier was, ek wil weer met hom speel?” Hy het ‘n indruk op ons voorskoolse kinders gelaat wat ek nie verwag het nie.
As ek oor hom en sy status in die Afrikanergemeenskap dink, dan wonder ek waar hy vandag sou staan? Die koninkryk van God en geregtigheid was terme wat waarmee hy ernstig op verskillende podiums omgegaan het. Hoe sou hy oor die Afrikaner en Afrikaans se voortbestaan gedink het? En die rol van die NG Kerk in die tyd waarin ons leef? Daar het so baie water in die see geloop sedert hy na vore getree het as wydgerespekteerde en verligte Afrikaner.

-Anton Pienaar

  • Facebook
  • Twitter
  • email
  • Google Bookmarks
  • Print
  • PDF
Posted in Algemeen | Comments Off on Johan Heyns. Waar is die oupa?

Dante se Il Paradiso in Afrikaans 19 September Die siel se reis na God

In Dante Alighieri’s se epiese gedig “Divine Comedy” beland hy in die eerste deel in die hel, in die tweede deel in die vagevuur, en in die derde deel in die hemel. Die hemel word uitgebeeld as ‘n klomp sirkels rondom die aarde. In wese handel die derde deel oor die siel se reis na sy bestemming by God.

Prof Cas Vos, ‘n oud-leraar van Stellastraat, het groot gedeeltes van die derde deel van Dante se gedig uit Italiaans in Afrikaans vertaal. Die titel van die vertaling is: Dante se Il Paradiso – ’n wonderwerk. Op Woensdag 19 September tydens ons boek-en fliek bespreking gaan Cas kom vertel van die vertaling.

Hennie Maas het ‘n video van die vertaling gemaak en die voorlesing word deur Dawid Minnaar gedoen. Iemand se reaksie op die video is: “Watter pragtige beelde, die Universum in al sy raaiselagtigheid én skoonheid, en dan die voordra van die gedigte.” Dawid Minnaar se voorlesing is ontroerend en briljant. Die visuele beelde is aangrypend.

Dante Alighieri het van 1265 tot 1321 geleef. Hy het die Il Paradiso (die paradys) in ballingskap geskryf. Sy tyd was ‘n tyd van korrupsie, afguns, magsbeheptheid en kwaad doen. Klink dit nie bekend nie?

Hierdie gedig is die allergrootste gedig wat ooit geskryf is. Dit is die eerste keer dat dit in digvorm in Afrikaans beskikbaar is. Die reis na die paradys open verrykende perspektiewe vir hierdie lewe en die na-lewe. Kom beleef dit saam.

  • Facebook
  • Twitter
  • email
  • Google Bookmarks
  • Print
  • PDF
Posted in Algemeen | Comments Off on Dante se Il Paradiso in Afrikaans 19 September Die siel se reis na God